Тэрээр ганц бие эрчүүд сайн цэрэг байж эх орныхоо төлөө эрэлхэгээр тулалдана гэдэгт итгэлтэй байсан гэдэг. Түүний энэ үзлийг эсэргүүцэж хамба
Валентин дурлалт хосуудыг адислан нууцаар гэрлүүлж байсан нь хожмоо илчлэгдсэн байна. Ингээд 02.14-ний өдөр хамба Валентины цаазаа авах ялыг гүйцэтгэснээс хойш ийнхүү гэгээн хайрыг тунхаглах дурлалт хосуудын баяр болгон тэмдэглэх болжээ. Энэхүү онолыг эрдэмтэд үнэнд хамгийн ойр нь гэж үздэг ба үүнээс гадна маш олон таамаглалууд байдаг байна. 
- Валентины баяр нь хамгийн их ил захидал илгээгддэг баяраар нэрлэгдсэн ба энэ өдөр дэлхий дахинаа 1.000.000.000 гаруй ил захидал худалдаалагддагаас 85%-ийг нь эмэгтэйчүүд худалдан авдаг байна.
- Энэ өдөр 35.000.000 гаруй зүрхэн хэлбэртэй шоколад, 110.000.000 улаан сарнай худалдаалагддаг гэнэ. Харин 220.000 гэрлэх саналыг хайртай хүндээ тавьж байдаг ажээ.
- Валентины баярын хамгийн гайхалтай бэлэг Энэтхэгт байдаг. Энэ бол мөнхийн хайрыг бэлгэдэл болсон Таж Махал бөгөөд Энэтхэгийн гайхамшигт энэхүү цогцолборыг Мухгал эзэнт гүрний эзэн хаан Шах Жахан (1592 – 1666) хайрт эхнэрийнхээ дурсгалд зориулан бүтээн байгуулсан билээ.
- Харин улаан сарнай бол хайрын илэрхийлэл болсон хамгийн тансаг цэцэгсийн нэг юм. Энэхүү гайхалтай цэцэгс нь Ромын хайрын бурхан Цолмон гарагийн хамгийн дуртай цэцэг гэнэ.
- Валентины баярын уламжлалт бэлгүүдийн нэг бол “Lovespoon” хэмээх сийлбэр модон халбага юм. Энэ нь Уэльсчүүдийн аливаа тэмдэглэлт баяруудаар хайртай хүмүүстээ бэлэглэдэг хамгийн гайхалтай бэлгүүдийн нэгт тооцогддог байна. Халбагандаа зүрх, цоож, цоожны нүхийг шигтгэдэг нь “Сэтгэл зүрхийг минь эзэмдээч” гэсэн утгыг агуулдаг гэнэ.
- Түүнчлэн баярын энэ өдөр хайрын зангилааг бэлэглэх нь АНУ, Англи зэрэг зарим оронд хамгийн эрхэмд тооцогддог. XVII зуунаас өргөнөөр бэлэглэх болсон хайрын зангилаа нь үхэшгүй мөнхийн хайрыг бэлэгддэг ба ямар ч эхлэл бас төгсгөлгүй үргэлжилдгээрээ онцлог юм. Эрт цагт хайрын илэрхийлэл болсон зангилааг туузаар ороож хийх эсвэл цаасан дээр зурж бэлэглэдэг байжээ.
- Валентины баяраар шоколадны цуглуулга бэлэглэх нь эртнээс уламжлагдан ирсэн бэлгийн нэг бөгөөд Валентины баярын хамгийн анхны шоколадны цуглуулгыг 1868 онд Ричард Кэдбери / Richard Cadbury бүтээсэн гэж үздэг. Ричард Кэдбери (1835 – 1899) нь Их Британий амтат “Cadbury” брэндийн угсаа залгамжлагчдын нэг байсан юм. Чухам яагаад шоколадыг онцолж бэлэглэх болсон тухай түүхийг сөхвөл 1800-гаад оны тэртээ эмч нар зүрхний өвчтэй хүмүүстээ шоколад идэхийг зөвлөдөг байжээ. Энэ нь өвчин намдааж тайвшруулах үйлчилгээтэй бөгөөд үүнээс улбаалан хэн нэгэнд дурлаж, түүнийгээ хайрлах үед зүрх хүчтэй цохилох явдлыг багасгах, тайвшруулах зорилгоор шоколад бэлэглэх болжээ.
- Английн “SSL International” компаний нэрийн бүтээгдэхүүн “Durex” бэлгэвчний брэндээс гаргасан мэдээллээр жил бүрийн Валентины баярын өдрөөр бэлгэвчний худалдаа 20% – 30%-аар нэмэгддэг бол 3 сард жирэмсний тестийн худалдаа эрэлттэй болдог гэнэ.
- Гэгээн хайрын Валентины баяраар хорвоод мэндэлсэн цөөнгүй алдартнууд байх ба эдгээрээс сонирхуулбал “Matchbox Twenty” хамтлагийн дуучин, хөгжимчин Роб Томас (1972.02.14), Америкийн домогт дуучин Флоренс Хендерсон (1934.02.14), алдартай элэглэгч, шидтэн Реймонд Теллер (1948.02.14) нарыг онцолж байна.
- Гэгээн хайрын баярын энэ өглөө хайртдаа үнсэлт бэлэглэж сэрээх нь аз жаргал, амжилт бүтээл үргэлжид ирэхийг бэлэгддэг.
- Баярын энэ өдөр сүргээрээ дүүлэн яваа тагтаа харвал аз жаргалтай, тогтвортой гэр бүл зохионо гэж үздэг.
- Энэ өдөр зурагтаар сонссон эсвэл ном сэтгүүлээс уншсан, магадгүй ойр дотны хэн нэгний чинь анх хэлсэн эрэгтэй хүний нэр нь ирээдүйд чиний хань болох хүний нэр байдаг гэнэ
0 comments:
Speak up your mind
Tell us what you're thinking... !